Lang , lang ist her !
För all de Lüüd de Anfang vun de „Föftiger“ noch Kinner oder ebn Jung wärn, sünd dat wat ik dor öbersett heff seeker Erinnerungen un ok een beeten to’n schmunzeln. För de hüütige 3. Generation 70 – 90+ is veeles noch anners wesen, nich unbedingt beeter, vun weegen:
Fröher wär alln‘s beter !
Wi sünd vör de Erfindung vun Fernseh, Penicilin un Schluckimpfung, vun Tiefkühlkost, Kunststoffe geboren, wi kennen keen Kontaktlinsen, Hartschrittmoker oder gor de „Pille“ noch nich.
Wie köpen Mehl un Zucker viertelpundwies in Tüten nich in Geschink-packungen. Wi würn all dor bevor dat Kreditkorden gäv, dor wär noch anschreeven. Telefax, Kernspaltung, Laser, oder Kugelschriever gäv dat nich. Geschirrspeuler oder Wäschedröger, Klimaanlagen, Last-Minit-Flüüg un ok Minschen de up dat Maand spazieren güngen hebbt uns nich upreecht.
Verbindungen wärn een persönliche Angelegenheit, nich online, hotline, inline oder gor airline herstellt. Wat up de Welt passier, hett de Wochenschau alle 14 Daag in’t Kino bröcht.
Wi hebbt eist Heirot un denn so sünd wi tohoopkropen, un wenn man mit een „Gahn“ dä, wär man meist ok schon Verlobt !
In düsse Johrn wär een Käfer noch een Krabbeltier un keen Volkswagen. Oole Zeitungen hett man för hinterlistige Zwecke bruukt oder in Herd verbrennt, vun Recyceln hett nümms een snackt! För een Brathähnchen föhr man nich na Wien-in-Wald.
Emanzipation? Huusmann? >> Utstieger gäv dat nur bi de Bohn. Kinnererziehungsjohr för de Väter? .. watt is dat denn ?
Guppentherapie, Sonnenstudios oder elektr. Schriewmaschien kenn man dau noch nich.
Een Tweitwagen hett mümms een bruukt, un hett man sick wunnert säh man „Oh“ un nich „Wauu“. Künstliche Nieren un Jungs de Ohringen drägen hett man nich un bedingt kennt.
Musik vun Tonband, de New York Synphonikers öber Satelit undenkbor, ober Musikkapellen up een Dörp- oder Marktplatz dorför hebbt wi uns begeistert. Hüüt fleigt een de Hörgeräte ut de Ohrn bien Schützenball so luut is dat.
Computer, Software un Non-Foot för all dat wat een nich eeten un drinken sall.
Een gesundes Fachweeten wär nich mit „Know-how“ beteigt, un Made in Japan wär billig un Schund.
Een Verköpersch har keen „Job in Shop“ un müss man wat aftellen, dat wär keen „Countdown“. Frünn sünd wi wesen ober keen „Fans“. Hett een mol vun Kids snackt, hebbt wi noch an junget Rehwild dacht.
Bi uns wär dat „In“, Zigaretten to schmöken. „Gras“ is bi uns meiht worn, un „Koks“ wör ton Böten in dan Keller bunkert. Ut „Stoff“ hett man Büxen oder Kledaasch mookt.
Mi een Lüüchen in de Ogen hebbt de Kinner „Grimms Märchen“ hört un keen „Comicstripps“. Geschinkpapier hett man upbügelt so ok de bunten Schleifen.
Ni hebbt wi wat vun Pizza un Mc Donalds oder vun Pommes Majo hört.
Ok hebbt wi „Gooden Daag“ seggt un nich „Hallo oder Hi!“ Veeles hebbt wi schön funnen nich ober „Okay oder Oberaffengeil“
Lütte Feste sorgen för Begeisterung, keen Parties, Festivals oder Events. Höhepunkte wären ok noch keene „Highlight’s“.
För 5-10 Penn gäv dat noch Brausepulver, Studentenfutter oder Ice. 20 Penn för een Breifmark plus 2 Penn „Notopfer Berlin“. So bruuk man för quer dör Hamborg 10 Penn för de Fohrkort. Hüüt heet dat „Ticket“, gift ober nur an Fohrkortenschalter.
An alle Ecken gäv dat een Tante Emma-Laden (Höker), man wür nich vun een „Supermarkt ümsorgt“! Chatten künnen wi nich, wi hebbt man blots mit eenanner „quatscht“.
Bungijumping un Rafting bruuken wi nich, wi künnen ober Kippel-Kappel und „Räuber un Gendarm“.
„Bock“ müssen wi all‘ hebben, wi würn ok froh dat Arbeit genauch wär und wärn deswegen ok nich gliecks gestresst.
Wi müssen alln’s noch sülwst beschicken un dormit utkommen wat wi harn! Keen öber eine Verhältnisse leevt hett bruukt nich Hülp to töwen.
De Ünnerscheid twüschen Froons un Kerls wär uns schon bewusst, deshalv bruuken wi keen Geschlechtsümwandlung.
Bliew man so at du büst, wür uns vertellt. Genmanipulation, klonen Kernkraft un Telefonsex bruuken wi daumals nich.
Düsse ganze Entwicklung hebbt wi öber uns ergahn loten. Is dat also verwunnerlich, wenn wi mannichmol beeten konfu s sünd !?
Allns hebbt wi öberleevt at een drütte, gesunnere Generation 70 – 90+
Deshalb loot uns dat ruhig fiern dat wi dat so beleeven künn‘ !!
Ingo Pape, 8/2024