Dor, bi dan „Karkturm“, dor bün ik „Tohuus“ !!
Nu bün ik all bilütten 75 Johr old, doch schon vun Kind af an, wär de Karkturm mit dan Hahn bobenup, mien „Tohuus“.
Wenn wie Jungs Football- oder „Räuber un Gendarm“ in Dörp speelen, egal wie wiet dat ok wär, de Karkturm hett jümmers de Richtung na „Tohuus“ anzeigt. Wärn wi dichter dorbi, so künn man de Klockentied lesen, oder eben de vulle oder halve Stünn hörn. Een Armbanduhr harn wi noch nich. Klock 18 Uhr bimmeln de Glocken; nu is Fierobend, nu güng dat na Huus. Klock 14 an Sünnobend is man an dat Wochenen’d erinnert worn, morgen is Sünndag ! Twei Schoolen hebbt wie dicht bi dan Karkturm hat, wi künn se sogor in de Klass noch hörn. Sitt wi hüüt in Gorden na wiet öber sömtig Johrn; denn so is dat jümmers noch wat för de Orietierung.
Uns Dörp hett 2000 Inwahners. Kom’m ik vun Süden in, öbern Marxer Barg; denn so is he schon to sein. Nu büst du glicks Tohuus. Vun Harmsdörp ut, schon för de Seev pliert he dör de Eiken mind. 15 m ruut. Kummt man öber dan Hooster Barg sütt man em glicks achter Bohn in vuller Pracht. Ganze 52 Meter hoch un boben up een Wetterhahn, de blennt sogor in de Sünn.
Steiht man in Bookwedel oder in Niendörp up dan Utsichtturm, ok vun dor kriegt man em tosein. Man weit sofo t wo siene Heimot is, zeigt fremme Lüüd mit dann Wiesfinger dan Turm, un seggt sofort, dor bünn ik „Tohuus“ !
Bün ik in Urlaub, dat eerste watt fehlt is de Karkturm, un dat bedüüt, ik bün nich „Tohuus“ ! Kummt de Fleiger den’n ut Richtung Hannober deip na Hamborg, bi klore Sicht, so geiht dat seuken los, wo is denn de Heimatort, wo is de Karkturm ? Meist hebbt wi dat schon mit de Orientierung an de A7 funnen. De lange Geschicht vun uns Dörp (845) mit dan Karkturm von 1889, kummt sofort in dan Vördergrund. Kiek an, dat is dien „Ramßel“, diene Heimat: Denn so kummt ok dat wohre Geföhl wedder hoch:
Dat is mien „Tohuus“ !!