Corona – Tied up’n Land’n 2020 2. Teil Dezember 2020
Nu bilüdden is Wiehnachen vörbi, dor heff ick upphört to schrieben, und ok glöwt, datt nu ok nauch is mit dan Virus. Aber nee, nu is datt mitte Februar und jümmer noch kein End’n afftosein. De Hoor wart länger und länger, aber de Putzbütels hebbt nach tau, so as de annern Geschäften ok !
Wiehnachen wär mool ganz anners, nur de Dannbaum hett lücht, aber dör ünner sünd nich so veel Geschenke wäsen as de Johrn vörher. De Geschäften wärn ja dicht. De Paketdiensten hebbt üm so mehr to daun hat. Meist Daag und Nacht hebbt se ehr Paketen verdeilt. Ein Dannbaum hett man at jümmers kregen, aber ohne feinen Grog und Wiehnachtsgebäck. Kein Klönschnack bi Marion und Werner und de Kinner hebbt ok nich so veel rümtoovt. Jed’ein läup mit sein Baum gliecks na Huus hin.
>>> Affstand holen, Muultasch drägen und Kontakte vermeiden !! <<<
Ja, datt wäär för veele Lüüd schon watt Besunners !! Nahdinken, an längst vergan’ne Tied’n !! …oder, hett datt sowat schon mal geben ??
De Wiehnachtsdaag kämen ümmer nöger. De Kark hätt de Gottesdienste affseggt, aber de Pastor hett sich watt innfall’n loten. Man hett einen Wiehnachtsweeg rund üm de Kaark uppbaut mit Pavillons und Lichtschlangen. De Kaark wör dortau noch ganz grood anstrahlt. Datt Wee’r ist dröög bleeben, und so hett man bloß ein beeten kohle Feut kreegen. De Vördrääg an de veelen Stationen hebbt Musik und Geschichten proot hatt för de Tauhörergruppen. Alle hebbt dat Affstandgerecht mitmookt. De Lichterkee’n hebbt lücht und denn wör dat Tied, und man güng na de nächs te Öberraschung. De Besäukers hebbt alle ehr Freid hat und ok bekun‘d . Mit dan Segen vun uns Pastorn gün’g datt denn trüüch in de warme Wiehnachts-stuuw. Groode Ansammlungen hett man versöcht to vermeiden und so wär datt eine ruhige, ok wegen dann Snutenpulli, aber doch besunners gelungene Wiehnachts – Stimmung.
…… und all’ns mit de Kark at Mittelpunkt, de wär sehr schön anstrahlt !
Nu käm denn ok Silvester, sogor de Böllerei hett man affseggt. De meisten hebbt denn ok verzicht und jümmer Restbestän‘d ut de Vörjohr’n affbrennt. Jedenfalls is na ein halbe Stünn alles tämlich ruhig wesen. – >>> Ok mal watt anners !!
Silvester 2020
At so veel’s in dat Corona Joahr, wär ok an’d En’n alln‘s anners !
Dat güng schon mit „Dinner for One“ up plattdeutsch los, ok ganz lustig ! in Fernseh geeev dat ok nichts besunners, und schon hätt man ok mal ein Tour schlopen, dat is schon ungewöhnlich för so ein Abend. Mit eins wör dat 10 för 12; und nu schüll dat losgahn !? Mien Froo und ick sünd ut de Sessels hüppt und hebbt den ok mittellt bet to dan grooden Moment. Schnell ein Glass Sekt mit alle Wünsche für dat neie Corona – Jaohr, und denn güng dat schnell an de frische Neijaohrsluft. Völlig nüchtern hebbt wi lauscht wi de Karkenglocken lüüt hebbt, tau scheun ! Aff und tau noch ein paar lustige Gruppen ünnerwegens, de hebbt uns ein „Prost Neijoaohr“ toropen; denn wör uns kolt und aff aff in de warme Stuuv. Na, datt wär ein fein Silvesterabend ! Noch ein betten öber de Taukunft schnackt, und wie datt mit Corona wiedergeiht, und denn künn man ja bilütten ok na’n Bett hingahn. – Clock-Ein künn man schon kommodig inslapen. >>> „Ne, wie hebbt ja noch ein Berliner in Schapp!“, seh de Frau. Denn geev dat ok noch ein Kaffee dortau, und denn ist aber ok Tied !! — De Knallerei is in dütt Jaohr tämlich „öberhörbar“ wesen, weil datt sowat dütt Jaohr nich recht watt to köpen geew.
Fazit vun Silvester 2020: So watt heff ich mien Leevdag noch nich beleevt, aber an Neijaohrs – Vormittaag sünd wie Clock 8 upstahn, und denkt jau, kein sworen Kopp bi datt „Neijohrskonzert“ !
>> Hett doch ok all’ns watt „Goodes“ in Leeben !! <<
2021 is dor !
So is denn ok de Januar schnell to En’n gahn, grau und gries. Aber de Februar hett uns ein paar schöne Schnei- und Frostdaag bröcht. 2x öber 10 cm schönen Schnei und denn ok noch 15° Frost. So is denn ok de Badediek schnell tofro’rn, öber 25 cm dicket Ies. De Kinner hebbt ehr Schlegens und Schlittschooh vuun Böö’n holt. De Sünn hett düchtig schient und ein Anwohner vun Badediek hett denn eine groode Rundbahn schüffelt üm dan Diek, dormit nich genauch, ok twei Feller taun Ies-Hockey speelen hett he noch schoben. Abends hett man denn ok noch Fackeln för kommodige Stimmung sorgt !
Mit ein Drohn hett man dat up Fotos fastholen, kiek di dat an. Sowatt is noch gornich dorwään, oder ?!
Aber alle Lüüt hebbt sich bannig freit !! Meist tauveel würn an und up dan Diek, so hett de Polizei sick datt Schicksal ankeeken hebbt, gegen Clock fiev, hebbt sei denn ok dan Badediek sparrt: „Nichteinhaltung der Abstände !!“. Annern Daag hebbt de sülben Beamten all’ns wedder affmokt. >> Dor wär ok Dauweer ansächt !!
Nu töwt alle Lüüt up dan 1. März; denn dor mookt de Putzbütels ehr Ladens wär up. … denn nu is: „Lock (en) down“ ansächt !!!