Landwirtschaft un Handwark in Ramßel
Dat is woll so üm un bi 1938, dor hebbt Kinner in de School een Upsatz schrieven müsst öber dat Thema „Kantüffelarnt un Kantüffelfest“. Dat wär daumols een Thema dat all‘n Lüüt goot kinnen. Ramßel wär grötsten Deils vun de Landwirtschaft prägt, alle Handwarks- un Gewerbebetrieven hebbt noch een beten „Buuerei“ nebenbi hat. Hintau kämen noch de Feldstücken nebenbi, so de „Huusköppel“. Güng man an de Kark vörbi öber „Meinks-Damm“, denn twüschen „Teermanns Robert“ un „Lütt Haas“ so wär man bi dan Köppel. Dat is bi dann hüütigen „Feldgorden“. In ünneren Deil, ca. 1 Morgen, dat sog. „Paradies“ vun Hermann Franke (Schmeeds – Opa“). Links un Rechts Gemüsebau un Obstbööm, lütte Pazellen mit Beerenstrüüker un Erdbeeren. Een lütten Bus hett em Ünnerschlupp geben. Veele Pächter hebbt hier so jümmer Gemüse un Obstbedarf stillt. >> „Een lütt Idyll an Ortsrand“! << Üm 1900 wür de Gemarkung updeilt ünn er 30 Landwirte, de Pfarrgemeen und de Klosterkommer. Een Deil wär Gemeinschaftsbesitz vun de Realgemeen, de bet 1978 bestünn. Vullhöf hett dat in Ramßel nie geben, de grooten Höf gehörn to dat Stift. Na 1850 sünd denn Abbuuerstellen entstahn. De Eistgebornen hebbt de Höf öbernommen, de Nachgebornen, Land, Huus un dat wärn de Abbuuerstellen. Nebenerwerbsbetrieve entstünn, wie Höhnerhaltung, Huusschhlachter, Dachdecker un so wieger. De Öbermacht vun de Landwirtschaft sall nu nich über hinwegtäuschen, dat dat Handwark to kott käm in Ramßel. De folgende Uptählung vun de Bedrieven is schon ganz erheblich.
Handwark in Ramßel:
2 Bäckerein, Schlachterei (3 Huuschlachter) Müller, 1 Schmeed (Hufschmeed), Stellmokerei, 3 Schoohmokers, 1 Textilgeschäft mit Schneerei, mind. 3 Huusschneer, 3 Dischlerein, 2 Maler, 1 Baugeschäft mit veel Mügers, 2 Klempnerein, Kfz- un Fohradwarkstään, 2 Timmerein, Reetdachbuuer, Steinmetz, Brunnenbuuer, Elektobetriev un Geschäft, Sattlerei un Geschäft, 2 Putzbüdel un 2 Gärtnerein.
Hannel: 4 Kolonialworngeschäften, 5 Gaststään, Gemüse- un Fischhöker, 2 Kahlen- un Düngemittelhannelun ok 1 Raiffisengenossenschaft, 3 Tankstään un ok 2 Fuhrünnernehmer un Oldisen/Schrotthannel.
Ut dat Gemeindearchiv vun Ramßel (~1970), öbersett vun Ingo Pape