Das waren noch Zeiten: “ Melk halen „

   „Melk halen“

 Nülich weer ik mol in Edekamarkt, de Froo seggt ik süll man beten Melk mitbringen.

Nu stünn ik vör dat Regal mit all de Melk, 10 Sorten, 10 Herstellers, Fettgehalt ok noch extra, in Buddel und in Tüten. Wat sass dor nu inpacken, frag ik di ??

Fröher harn wi 4 Hökers und för de Melk eben 1  Melkmann, und dat weer ok noch ene Froo,   (genauso as in Ohlendörp dor wär dat Emmi König und in Holdörp Frieda Meyer)

Milch  Butter  Käse    Magda Grahl  so stünn dat an de Dör

Hier hätt man frische Kohmelk kregen ut grode Melkkann. Düüs sün schon Vörmidags ut de Meierei in Brackel liebert worn.   Hier is man hingahn und Tante Magda hett schon an de lütte Alluminium – Melkkann, mit Deckel, Bögel und Holtgriff sein, watt du wullt hess. In ihr groode Melkkann hüng’n twei Schhöpfkellen, 1 Liter und ok ein ½ Liter. Bi de Sahne in de lütte Kann weer ein Deckel  up, un dor geef dat denn ok 1/4 und sogor 1/8 Liter Kellen. Vull oder nur half, hett Tante Magda fragt, und denn wör de frische Melk inplattert.  Botter und Kääs hett man ok bin Melkmann kreegen, meist ut ein grooden Putt mit de Kell, und denn in Botterbrotpapier, löter denn ok affpackt. De Kääs is denn ok mit ein groodet Mest deilt worn und denn eist in Schieben.    >>  Up Mindest-Haltborkeit hett keneen acht. <<

Ferdig !

Anschrieben und denn de Kann an Lenker vun dan Drahtesel und de Botter up dan Gepäckdräger und na Huus hin. To Foot hebbt wi de Melkkann denn ok mal in de Luft rümschleudert,  ….aber Sahne is dor denn ok nich ut wor’n !

Mannichmal gäv dat denn ok Dickmelk bi uns Mama, ob de Melk „umkippt“ weer, wie se de mookt hett, weet ik nich, aber dorto hätt se Bickbeern, Erdbeern oder watt grad dor wör taugeben.  To Böberst schön veel Zucker, man wär di dat lekker !!

                    Melkbock                                …. utgespäulte Melkkannen

Dieser Beitrag wurde unter 14 - Plattdeutsche Geschichten veröffentlicht. Setze ein Lesezeichen auf den Permalink.