Öber dan Ramßler „Putzbüdel“: Ingo Pape
Ik bün an’n 27. November 1947 in Maschen up de Welt kommen. In Maschen wär na dan Krieg een Entbindungsstation in dan Dorotheenhof. Daumals wär dat tämlich koolt und so hät Hermann Foht, vun de Seev, Taxi speelt.
Ramßel wär doumols noch een Buuerndörp, un har öber 400 Flüchtlin‘g . Mien Öllern harn hier een Putzbütelladen in Sweden – Willi sien Huus in de „Enge Straat“. Dat wär domals de „City“ vun Ramßel. Ümzingelt vun 80 Landwirt-schaftsbetriebe hebbt wi ok 2 Schoolen dicht bi de Kark hat. De wärn man wegen de veelen neien Kinner tämlich vull. In Tweierreegen müssen wie öft öber dan Karkhoff de School wesseln. De Schoolhof wär de Domplatz.
Uns Dörp wär een Paradies för uns Kinner, wi künnen öberall rümtoben und speelen. Na dat achte Schooljohr güng dat na Maschen in de neegte Klass. De Lehrtied bi dan Putzbüdel Heitmann in Fleest, güng meist to schnell vörbi.
– Nu käm de Bundeswehr in Munster an’ne Reeg. –
Endlich mool ruut ut dat Dörp. Dor bün ik den’n „Sani“ worn. De Putzbüdelei wär denn 1971 mit dan Handwerksmeister affsloten. – Nu käm „Farv“ in mien Leben. In een Lackfabrik in Willemsborg bün ik na öber 50 Johr jümmers noch in Gan’g. Genauso lang bün ik mit miene Froo verheirad. Wie hebbt twei Kinner un 4 Inkel dortau. –
Vereinarbeit:
23 Johr wär ik Vörsitter vun dan MTV Ramelsloh und 35 Johr Ehrenrichter bi de Schützen.
Nu bün ik seit 2018 Chronist vun Ramßel, un so ward de Rentnertied ok nich langwielig. Einige Johr bün ik schon in de plattdüütsche Sprook verleevt, un gehör nu to de Lüüd de düsse Sprook lebennig holen wüllt.
Wullt Du dat ok ??
Denn snack eenfach mit diene Inkel oder mool bi dat Inköpen
„Platt“, so eenfach is dat !!
Ingo Pape, Sept.2022