Theatergruppe des MTV Ramelsloh

Die Theatergruppe des MTV hatte bereits Jahr für Jahr ein plattdeutsches Stück aufgeführt. Verbunden waren die Aufführungen oft mit den Weihnachts-feiern für die Kindern des MTV. Die Zeit von Willi Peters als Speelbaas prägte sicher das Bild der Theatergruppe in der Nachkriegszeit über 25 Jahre. An der Seite von Ernst Grahle, Eckhard Grahl, Magarethe Eddelbüttel, Linda Niemeyer und vielen anderen. Seine Art, mit Gelassenheit und hintergründigem Witz neben der Rolle auch immer ein wenig sich selbst zu spielen und auf den Arm zunehmen, kam beim Publikum immer sehr gut an, so Dr. Otto Cordes zum 50jährigen Bestehen der Laienspieler 1996.

Hier nun der  plattdeutscher Bericht von Dr. Otto Cordes

Theaterspeelen in een Turnverein ?!

„Wieso gifft dat in‘n Ramßler Turnverein eegentlich een Afdeilung mit Theaterspeelers?“ so mag sick al mennigeen fragt hebben. Een kann den Begriff vun Sport ja tämlich wiet faten. Mit’n Auto in’n Kreis rümföhren („Formel 1“), sick gegensietig in de Snuut hauen („Boxen“) un ok Korten speelen ward ja öfters ünner de Sportorten reekt, aber Theaterspeelen hört ja woll bi’n besten Willen nich dorto! Ick will jo nu mal vertellen, wie dat kummt un wie dat anfungen is.

In’n Anfang vun’t vörige Johrhunnert hebbt se in Ramßel al Theater speelt. In’n Gesangverein, in’n Kriegerverein, up „Familienabende“, de vun een Schoolmeester  („Lehrer Meyer“) organisiert würrn – un ok in’n MTV! Wi hebbt dorvun noch mal een Rullenbauk funnen, ut de twintiger Johren, un dor hett al eener „Turnverein Ramelsloh“ upschräben. Siet wann, wieso un worüm speelt würr, dat weiht vandaag aber keeneen mehr so genau.

Na den Krieg, in de „slechten Tied“ 1946 güng dat denn aber richtig los! De Turnverein füng wedder an, wull veel up de Been stellen un harr kein Geld för Turngeräte un Bäll un wat week ik. Up de anner Siet harrn de jungen Lüüd ‘n Barg Langewiel; Fernsehen geif dat noch nich, un mal eben mit’n Auto in de Disco (ach, de geif  dat ja ok noch nich) oder in’t Kino oder in de Stadt föhrn, dat künn sick keenen leisten, mal dorvun afseihn, dat de ja ok gor kein Auto harrn. Un dorüm hebbt de jungen Spotlers sick dacht: wi ööwt mal ‘n Theaterstück in. Dat maakt Spaß, Jungs un Deerns tohoop (Leevsrullen hört ja nu mal dortau); un wenn denn Lüüd kommt to’n Tokieken denn kriggt de MTV dat Intrittsgeld un kann dat in’n Sport steken! So würr dat maakt – un so is dat bibläben.

Tja, un vandaag is de Situatschon nich veel anners. Gewiss, de Lüüd kiekt stunnenlang Fersehen (un hebbt trotzdem Langewiel) un föhrt mit jüm ehr Autos mal eben hier hin un dor hin, aber de Turnverein hätt jümmer noch ‘n Barg Geld … nötig! Un dor kummt den Kassenwart de poor Dusend Euro, de wi jedet Johr inspeelt un öber hebbt, goot to Pass! Vandaag hett so een Turnverein ja ok veel mehr Utgaben as in fröhern Tieden! Ehrenamtliche Übungsleiters, de de Kinner dat Turnen oder Footballspeelen bibringt, weil jüm dat Spaß maakt un de nix doför hebben wüllt – gifft dat de noch? Dor kannst lang nah seuken! All wüllt se betahlt warrn und de Plätz un Hallen freet’t ok allerhand Geld up.

Blots dat Theaterspeelen maakt jümmer noch ‘n Masse Freid un betlang finn’t sick dor jümmer noch Lüüd, de ahn’n Betahlen dörtig, veertig Mal

in’t Johr den Fernseher ut laat’t, losgaht nah de Proben un een Stück inööwt. Vun de Tied för dat Liehren to Huus wüllt wi gor nich snacken. Aber se hebbt eben ok ‘n Barg Spaß dorbi un se hebbt jümmer een schön Gefäuhl, wenn dat wedder klappt, wenn dat Stück löppt und de Lüüd klatschen doht!

Un so geiht dat jedet Johr in’n Fröhjohr wedder los. Eerst ward de Lüüd tohoopsöcht, denn ward ‘n ganze Reeg Stücken bestellt un leest, un an’n Enn’n ward denn een Stück utsöcht. Un den Sommer över ward denn so’n stücker dörtig bet fiefundörtig mal öövt, „Proben“ seggt de Hochdüütschen dortau. Un bilütten ward de Upregung denn jümmer grötter, wenn de Premiere ran kummt. Na, ja, bet nu hett dat ja jümmer halfweeg klappt. Un Geld för den MTV is ok jümmer noch överbleben. Wüllt wi mal hoffen, dat dat noch ‘n ganze Tied so wieder geiht!

Otto Cordes

2019

Es ist kein Saal mehr in Ramelsloh, den „Ramelsloher Hof „gibt es nicht mehr. Eine Übergangslösung bietet der EC Ohlendorf in seinem Gemeinschaftshaus. Dann kommt das Jahr 2020: Corona Pandemie verbietet alle Veranstaltungen dieser Art auch für 2021 bestehen keine Möglichkeiten wieder Aufführungen zu veranstalten.

Ingo Pape