De oole Glockenturm
„Dor staht he, afsiets vun de Kark, de oole Glockenturm“.
So beginnt een Bericht ut de Heimatglocken vun 1952.
Üm un bi 1600 is he boot worn, un ok at een Glockenturm noch bet 1889 bruukt worn. De hölzerne Toorm is 7×7 m in Quadrat un an de neegen Meter hoch. De Op’bo is een beten anners at glieke Toorms in de Gegend. Een Ziegeldack mit een Bleikugel up de Spitz. De Ingangs-dör is mit isern Beschleeg (Angeln) verseihn. Kummt Man nu in dan’n Toorm is dat halfdüster, un de Ogen möt sik an dat Tweelicht gewöhn. De gewaltigen, roh beschlahen Eiken-Balken sünd to bestau’n. Ebenso de langen Steengehänge de swoor vun de ole Toormklock bummelt, de hüüt schon verswunnen is.
In‘t Dack wär een Schall-Lock för de groote Betklock. Na de Glockenstuuv hett man een Trepp hat. Dat Zifferblatt vun de Klock wär an de linke Siet (Süden), mitten in dat Efeugerangel. Up dan Glockenbööhn müss de Küster und sien Hülpsmann dreimal an Daag rupp, un de Tampen trecken för dat Gelüüt. Jeden Morgen müss de Klock uptrocken warn.
In’t Johr 2004 is de Glockentoorm Grundsaniert worn, he wör na de Westsiet 50 cm afsackt. So hett man em den’n anböört, un dat Fundament neit mookt. An de Butensieden sünd nei’e Eikenboohln annogelt un so is de Toorm för de nächsten 200 Johr trecht mookt. An de Noordsied hett een Bökenboom stahn, de meist 150 Johr oolt wär. De müss ober 2017 rünner mookt warn. Nu sütt de Glockentoorm meist beten naakt ut !!