Schooltied vör 60 Johr
Vör 60 Johrn güng för uns de Schooltied to En’n. Acht Johr lang mit nur 2-3 Lehrers. In de eersten 4 Johr hät uns Frl. Engelhardt begleit, löter denn so Wolfgang Dürre in de „Neie School“ links vun de Kark. He hett ok in dat Huus wahnt mit seine 4 Kinner. Ein separaten Ingang güng na de Schoolklass, mit Vörroom un de veelen Gadrobenhakens för uns Gadrow. Denn so güng man in de Klass. Een groden Bolleraben mit een Schutzblick dorvör. Drei Reegen mit Doppelbänk sünd mi noch good in Erinnerung bleeven. An de Stirnwand ein riesige Tafel wo man de Sieden inklappen künn. De Foodbodden har düstere, ölige Breeder d jümmers stinken dään. Up de anner Siet vun de Kark wär denn ok de „Oole School“. Hüüt sütt se meist so ut at daumals. Een Eeenklassenschool mit Wahnung at dat so üblich wär. De Lehre hett Grethe heeten und he wär ok de Organist in de Kark so at dat vun je her wesen is. De Klass 5 – 8 sünd dor ünnerbröcht, ok mit Bolleroben ober höhere Bänk. 1952 hett man wegen de vieelen Flüchtlinge ut de düütschen Ostgebiete een Klass anbaut. Uns Lehrer Grethe hett man jüst sien 25jähriget Deinst-jubiläum fiert.
Wie Schölers ut de 8te Klass hebbt uns all freit un harn deilwies schon eene Leerstell. Doch kott vör dan Schoolutstieg käm de Nahricht vun ganz Baben.
Wie müssen noch een Johr anhingen, weil wie so good wesen sünd !!
Also: dat neegte Schooljahr müssen wie na Maschen hin. Eest wär dat ja man keen goode Nahricht. Gemeensam mit Schölers ut Maschen, Hörsten, Host, Ohlendörp und Holtörp wär dat een völlig annern Klassenverband. De oole School in Maschen (dor is hüüt een Grieche bin!) wär tämlich grotzügig inricht. Wi kreegen mit eis 6 verschieden Lehrkräfte. Heuer, Gagelmann und Klassenlehrer Machalett hebbt uns total begeistert. Düsse Begeisterung wär uns in Ramßel schon längst afhannen kommen.
För jedet Fach een Lehrkraft. Völlig neie Fächer wie Chemie, Naturkunn‘ und Heimatforschung mit Walter Machalett wären eenfach good för uns. Matthe, Sport und Inglisch aber ok Werkünnerricht wär ansächt. Wie hebbt dat Runenalphabet lehrt un sünd na de Externsteen hinreist. De Matthe-Upgaben müssen wie bunt anmahlen, denn eest wär Herr Heueer tofreeden. Mit Gagelmann hebbt wie Holt bearbeit und veel bastelt. Sülbstgemakte Beefupmakers liegt hüüt noch bi uns up dan Schrievdisch. De Deerns ünnerdess hebbt Handarbeiten öven müsst.
De Bekanntschaft mit nei‘e Mitschölers wär natürlich schnell tohoob, ob nu Deerns oder Jungs. Dat hett ok schöne Fründschaften geben.
Fazit vun dat neegte Schooljohr wär för alle Schölers een Gewinn.
De Schölers harn veel betere Tüchnisse at in de letzten Johrn in de oolen School’n. De neie Motivation is een tämlichen Taugewinn wesen in alle Belange, bedingt ok dör de veelen Lehrers und interessanten neien Fächer allgemeen.
„Man sall dat, watt Nei‘es kummt nich gliecks verfluchen; denn et kümmt veeles in Leven anners at man mannigmol so dinken deiht !!“