Froons – Football EM in Ingland 2022
At Putzbüdel mutt man sick jo so eeniges anhörn, ober dat is ganz aktuell.
Nülich wärn Hein, Rudi und Jochen bi mi un hebbt töwt an de Rech to komm‘. Dat Thema wär aktuell de EM vun de Froons up de Insel. Otto seet up dan Frisierstohl un he füng an mit dat Thema.
De künnt dat schon ganz schön ! Meist so stark at de Kerdels. Jo, seggt Hein, drei Speele gewunnen und keen Gegentor kassiert. Dat schüllt de Herrn mol nahmaken, säh Rudi dortau. In TV hebbt se seggt, dat de Bedingungen för de Froons eenfach ungerecht sünd ! – Jochen har dat ok sei’n und he find de Tore ok to groot und to hoch för de Froons !! Wenn de Kerdels vun 185 de Arms utstreckt, künnt se schon an de Latt griepen. Jo, de Deerns sünd man blots 170 und künnt an de Latt nie nich ranrecken, säh Hein. – Denn so mut man de Plätz ok kötter und schmooler moken, hät Otto grummelt. De Upwand ist to groot meent Otto, und dreih sienen Kopp wär trüch.
Problem sünd jo ok de Schiris mit ehr Fleit, säh Rudi; denn de Froons hört allang nich mehr, wenn een na jüm fleiten deiht !! — Ober de Froons sünd nu mool een- fach in Nahdeel, alleen de Stollen sünd veel to kott; de sünd doch ganz watt anners gewöhnt !! Dat is jo Tüddelkram, seggt Jochen . un öberhaupt: de een hät een breden Achtersen un de anner so’n Knack…. , ach du weist schon, dat is doch ungerecht, stotter Hein. Dor fangt Rudi an to lachen und säh, denn so is een grooden Busen ok keen Vördeel bi de Abseitsregel, un de Ballannahme mit de Bost is ok so een Saak, de mööt dann Ball ok schneller wär ruutgeben !! … sinnier Jochen und grien dorbi – Genau, de Ball för de Froons is ok noch nich anpasst bi de Froons, wie dat bi Handball un Basketball schon üblich is, meent Otto vör mi.
„So Otto, nu büst du ferdig ! — Hein, du büst de Nächst.“
Wenn nu dat Tor so groot blieven deiht, denn so künn man jo een „Mini – Tramp“ int Tor stellen; spinn Otto bie’d Betohlen. .. und Tschüß !!
Rudi grient und sägt: Ick heff bi dan Froonsfootball schon vermisst, dat se keen Schminkpause inleggt hebbt, so mit Spiegel an dan Speelfeldrand. Mit Puderdos‘ und Hoorstylen twüschendör. Dan Dutt richten un de Gummis för de Peerschwänz utwesseln, nicht to vergeeten.
Dat hört da nu aber nich doto säh ick futz; — denn so bi de Nationalhymne sings se alltohop mit, sogor de Trainerfroo. Vör und nah dat Speel ward sick ümärmelt und irgentwatt söökt se dor denn noch up dan Rasen. — Nu graleert un ümärmelt se ok noch dann Gegner för de faire Partie. De meisten kennt sick jo ut de düütsche Bundesliga wär.
Dat mit de Bundesliga is sowieso ungerecht, hätt Jochen noch vörbröcht: „In Düütschland kriegt de Froonslüüd in de 1. Bundesliga man grad soveel at de Mannslüüd in de drütten Liga !“ Dat is eenfach nich gerecht, dor wärn sick alle eenig; denn so mööt se ok de Tore lütter moken !!
——
Sowiet dat Gespräch bi dan Putzbüdel !! — Wär dat nu Froonsfeindlich, oder een lustigen Uttusch twüschen Mannslüüt, in de hüütigen Tied, weit man dat ja nie, oder watt meent jü dortau ?
De Putzbüdel in Juli 2022