Gemeinde Seevetal (Plattdüütsch)
Seevetal is de gröttst Gemeen in Düütschland. Gründung wär int Johr 1972 dor is de Einheitsgemeen entstahn. Ut 19 eegenständige Ortschaften hett man se tohopenleegt, so üm dat Seeve-Tal rüm !
Een Wappen is ut een Schoolwettstriet to Papier bröcht worn. Een „Löw“ mimmt Bezug up „Heinrich dan Löwen“, de hett een Hoff in Hittfeld hat. Direkt dorünner is de Seev‘, de „Fließende“, se kummt ganz ut de Heid bi Wehlen, dat liggt bi Unnel (Undeloh) und se lööpt bi Wuhlenborg in de Elv. Bi de „Hoster Water-Möhl“ gaht een Seev‘-Kanal mit een Sperrwark af, de is in’t 16. Johrhunnert boot worn un geiht bet na dat „Horbörger Schloss“. Sowiet de Seev‘. Nu de ünnere Deel vun’t Wappen. Een runnen Möhlsteen de symbolisiert eenmal de veelen Wind- un Watermöhlen. De 19 Segmente wiest up de 19 Oltgemeen’n hin. Dat „Greun“ wiest up dat fruchtbore Seeve-Tal hin.
Dat Seevetaler Geestgebiet hett Funde utde Steen- Bronze un Isentied, dat seggt veel öber de fröhe Besiedlung. >> Ramßel (Ramelsloh) is vör 1175 Johr’n gründ. Hetfelde (Hittfeld) 1107. Mickelsfeld, Großes Feld, (Meckelfeld) ward schon mit Beekdörp 1104 erwähnt. Merschene (Maschen) 1298. Helmekesdörp (Helmstorf) 1304 un Lindhorst 1364. Fleestede is 1257 (Fleestedt).
Karken gäv dat nur in Hittfeld un Ramßel. Bullenhusen un Moor hörn na Horborg, wie ok Fleest un Meckelfeld. De Ramßler harn keen Pfarrkark un müssen na Pattens.
Na dan Bau vun de Elvbrücken gäv dat Bahnhööf in Meckelfeld, Maschen un Hittfeld. De groote Rangierbahnhof is 1977 in Betrief gohn un is de grötste in Europa un de tweitgrötste in’n de Welt.
Autobohn givt dat hier ok genauch, (A1, A7, A39, A 261) alle loopt dör Seevetal mit veer Af- un Upfohrten üm dat Hoster Dreieck.
Bi de Gründung 1972 hett Seevetal 28 000 Inwohner hat, 2023 sünd dat ober bilütten 45 000. Siet 1667 sünd de eersten School’n bekannt, nu hebbt wie Gynmasien- un Realschoolen in Hittfeld un Meckelfeld. 15 Füüerwehrn un Vereinsleven in öber 100 Vereine sowie ok Kinnergorden un Jugendinrichtungen.
„Freitied und Kultur“:
Dor is toeerst dat Woter mit veel Badeseen un Dieken. Denn is dor noch dat „Jungfernfeld“ in de Seeveniederung mit tämlich 500 ha.
De „Seeve-Radweg“ is so bummelig 92 km lang un in dree Ringe updeilt. In de oolen Ortschaften givt dat wat för de Tradition, „Rundwege“ in Hittfeld, Maschen un Ramßel.
In Ramßel is ok de „Skulpturenpark“ vun Gernot Huber, de rund‘ denn ok de Kultur in Seevetal af.
… ut de Broschüre „50 Johr Seevetal“ öbersett von Ingo Pape