Otto Schneider von Herbert Timm

Otto Schneider erhält Verdienstmedaille

3. Juli 2000
Otto Schneider aus Ramelsloh hat die Verdienstmedaille des Verdienstordens der

Bundesrepublik Deutschland erhalten. In einer Feierstunde im Rathaus in Hittfeld wurde er von Oberkreisdirektor Hesemann im Namen des Bundespräsidenten für sein langjähriges gesellschaftliches Engagement geehrt. Besonders seine Verdienste um Pflege und Erhalt der plattdeutschen Sprache waren Anlass für die hohe Auszeichnung. Otto Schneider hat neben kommunalpolitischen Aufgaben jahrzehntelang leitende Verantwortung in der Kirchengemeinde Ramelsloh, im Kirchenkreis Winsen/ Lu-he und im Sprengel Lüneburg übernommen. Er hält als Lektor plattdeutsche Gottesdienste. Im „Tunnhahn“ übersetzt er den Monatsspruch ins Plattdeutsche. Die Kirchengemeinde und der Kirchenvorstand gratulieren Otto Schneider herzlich zur Ehrung. (Turmhahn)

En Leben för Plattdüütsch
Otto Schneider hett sien 80. Geburtstag fiert

Otto Schneider ut Ramßel (Ramelsloh) is an’n 17. März 2008  80 Johr old worrn. Dor lohnt sik dat, mal torüch to kieken, wat he in düsse Tiet för uns öle Heimatspraak Plattdüütsch allens daan hett. Vun sien Verdeensten för sien Dörp äs Standesbeamter un äs Börgermeister un vun sien Tiet in’n Kreisdag, wo he Vörsitter vun’n School-Utschuss we’en is, will ik hier gor nich snacken.
Plattdüütsch – dat höört bi allens dorto, wat Otto Schneider up de Been stellt un beweegt hett – in de School, in de Gemeen, in’n Landkreis. Bi dat Plattdüütsch Wettlesen an de Scholen hett he vun Anfang an mitmaakt, un he hett dat hier bi uns organiseert un bekannt maakt. Ut’n Landkreis Horborg künnt wi jümmers veele Kinner mellen, un up Regional- un Landesebene hebbt wi jümmers düchtig Priesen inkasseert. Mit sien Kurse bi de Volkshoochschool hett he veele Lüüd för düsse schöne Spraak begeistert un äs Vorleser is he öberall bekannt. Siet veele Johrn is he ok in de Arbeitsgemeinschaft „Plattdüütsch in de Kark“ un de reckt wiet ober unsen Landkreis Horborg rut.
An’n 3. Juli 2000 hett Otto Schneider den Bundesverdeenstorden för all dat kregen, wat he för de Allgemeenheet daan hett. Aber he hett sien Hannen deswegen noch lang nich in’n Schoot leggt. In’n Ge-gendeel: In de letzten Johrn hett he för Platt noch düchtig wat up’n Weg brächt. He hett düchtig dorbi holpen, dat Zentrum för Plattdüütsch in Soltzhusen intorichten un de Plattdüütsch Weeken in unsen Landkreis up de Been to stellen, de wi 1994 to’n eersten Mal organiseert hebbt un de siet 2003 alle twee Johr maakt ward. Bi de Landesgoornschau 2007 in Winsen hett Otto Schneider up de Bühn stahn, un he hett achter de Kulissen mit dorför sorgt, dat de ganze Tiet lang jedeen Meerweeken annerthalf Stünnen Platt snackt worden is up de grote Bühn in’n Eckermannpark.
Veer Johr lang hebbt wi de plattdüütschen Namens von uns Dörper tohoopdragen un en Landkort dorvun maakt. Letzt Johr kunn sik Otto düchtig dor ober freien, dat nu al de eersten Ortsschiller mit plattdüütsche Naams upstellt worden sünd.
Ok de Fördervereen För Platt e. V., de an’n 11. Mai 2005 gründt worden is, is to’n gröttsten Deel Otto Schneiders Wark. Düsse Vereen will sik dorför insetten, dat ok de tokamen Generatschoon noch Platt verstahn un snacken kann. Dat liggt unsen Jubilaar an’n Harten un so nett he ok de Geschenke to sien Ehrendag düssen Vereen tokamen laten.
So äs wi em kennt, harr Otto Schneider geern noch mehr daan – dat liggt em nich, de Hannen in’n Schoot to leggen -, aber nu kann he sik dor ober freien, dat allens, wat he anfongen hett, wiederleevt. He kann tofreden und stolt up sien Wark we’en.
Wi graleert em düchtig in’n Naam vun alle Plattdüütschen to’n 80. Geburtsdag un wi wünscht em vun Harten, dat he noch veele Johrn lang sehn un mitbeleben kann, wat hier bi uns in’n Landkreis Horborg noch allens up de Been stellt ward.

Herbert Timm (   … aus dem Kreiskalender 2009  )

 

 

Dieser Beitrag wurde unter 08 - Persönlichkeiten veröffentlicht. Setze ein Lesezeichen auf den Permalink.