Rodelspaß up dan Geversbarg
In de föftiger Johrn hebbt wi, na mien Erinnenrungen, noch ollig veel Schnei hat. So einige Rodelbargens hebbt wie den ja ok hat, wobi de grötste ja woll up dan Geversbarg wär, glicks neben de Autobahn. Watt hät man brukt för düssen Spass ?
Hät sick dat ankünnigt mit dan Schnei, is man eistmal up dan Böhn ruppmaschiert üm dan Schlägen to holen. Wie hebbt twei hat, ein lütten und ein grooden. Nu wörn de Kufen eistmal blank schüert mit Schlieppapier, Papa hät uns dat zeigt und denn güng dat los. De Rust müss eistmal rünner und den wör de Schlägen Schneetauglich, Test: keine Rustspuren in Schnei! De lütten Bütels und de Deerns hebbt de kotten- und de grooden Jungs hebbt de langen Schägens hat. Up de Tweier hebbt den ok twei Kinner und up de Dreier eben drei Kinner seeten. Vörden wär ein fastet Band an een Metallstan’g und denn nan los.
De Kinner ut de ersten Klassen 1 + 2 trecken na dan Badediek, drütte und veerte Klass künnen schon mal bi Höhn-Fritz vun Barg rünner. De Ulenbarg is vör dan Neibau vun de School 1962, ok een scheunen Rodelbarg wän, dor is hüüt de Kinnergorden 1. De Grooden ut de Klass 5 und 6 dröffen na dan Geversberg. Dat wär ein langen Weeg, achter Teermanns, wo hüüt Knolle is, güng dat quer öber dat Feld na Gevers jümmern Barg. Ein langen Weeg vun Ostermanns rupp bet na dan Grenzstein, Ziel erreicht. De lange Rodelbohn leig vör uns, tämlich steil und ok schnell. Nu güng dat so aff, wie dat bi Schoolmeester Grethe afflopen dä, vun boben nur de Grooden, denn wär dor kott öber de Mitt ein Boom, dor stünn Papa Grethe und hät derigiert. Een vun Boben und twei, drei vun de Mitt rünner in de lütten Dann oder Kiefern. Links oder rechts wedder hoch mang de Bööm, aber nich in de Bohn, dat wär toveel Risiko. De Bohn wär schon tämlich vun Ice bedeckt und so ok schon ganz gefährlich schnell, ok wegen de Huppels. So sünd den ok einige Kinner schon gegen de Bööm föhrt, de Geversbarg hätt aber ok veele Affohrten hat, de nich veriest und scheunen Schnei harrn. De Hexen- und Dübelsbohn aber ok de rechte Siet bi de Autobohn wär för de Ohlendörper, und so hät jedeen siene richtige Bohn funnen. An Skilopen hät daumals noch keneen an dacht. De Ohlendörper hebbt jümmer eegen Bohn hat in Ohhendörp, dat wär de Kattenbarg.
Na Huus güng dat eerst wenn de Schummerei käm. De Büxen wärn stief und Fööt bannig kolt. Schneitüch geev dat noch nich und so wärn de Manschesterbüxen schwor und stief. De Hanschen, wenn se noch dor wän, natt und kolt, Schooh und Stäbel vull vun Schnei. Nu aber fix na dan Kacheloben in de Stuuf oder in de Köök.
Müss allns wedder dröch wesen för dan nächsten Dag. Noch beten Schoolarbeiten und denn ok bald inne Puch. Mama hät ok all ein warmen Stein inwickelt und to’n vörwarm in’t Bett leegt, wär di dat scheun !! Vörweeg geev dat noch een Fleeder-beergrog.
Löter denn:
Wär de Sportplatz vun MTV und de School hebbt den för anner Rodelgelegenheiten sorgt. Mit de Johrn is denn ja ok de Schnei weegbleben und de Schlegens sünd ut Plastik wesen. So ännert sick so veeles und up dan Geversbarg is hüüt nichts mehr los.
PS.: Ein Erlevnis wär anfangs noch mit Perd vörweeg und löter denn ok mit een Trecker so mit 5 – 10 Schlegen achteran dör dan Brackler Grund, dat wär ein Sposs för de ganze Familie !!
Ingo Pape