Billig is nich jümmers günstig !

Billig is nich jümmers günstig !

 Öber de Corona – Tied heff schon veeles schreeben, aber nu hett mien oole Berufsstand ja so ein richtigen Schuub kreegen. De Lockdown wär ja nu mool tämlich lang, genauso aber ok de Hoor. Nu wärn de Minschen jümmer schlechter antokieken, vun wegen de zotteligen Hoor, deshalb hett man nu vun allerhöchste Stää bestimmt, dat de Putzbütels tau eist ehr Geschäften upmaken dröffen, tau dan eisten März 2021.    >> At oole Putzbütel bün ick richtig Stolz wään  up de Politiker, und heff mie för miene Kollegen bannig freit !

Sowiet de Vörgeschichte:

 Ein plattdüütschen Kolleg ut Hamborg – Wentörp hett sick mol Gedanken makt über mienen Berufsstand. Vörweeg: Ein Hoorschnitt hett all jümmers soveel köst at ein Arbeiter Stunnlohn. Nu hett düsse Mann beleevt, dat de eine Laden 17 € nimmt und de anner man blots 13 €. Veel Hoor hätt he man ok nich mehr, aber man will ja ein gooden Indruck maken. Hei hett sich tau dan günstigen Laden upmaakt.

Punkt 14 Uhr sääh de Schnacker in Radio,  at ok schon de elektrische Rasenmäher öber sein Koop suusen dä.  Beten torecht schnieden und de Koteletten trimmen, kämmen und : Nee man kein Hoorspray, schall alles Natur blieben.  De Frisöös hett em dan Koop vun alle Sieden zeigt, und frog noch: „Is dat recht so“ ?    Ja, sowiet all’ns klor !  He hett nu 15 € hinleggt und güng denn na Buten. >>> Dor schütt em dör dan frisch-frisierten Koop; de Klock is nu söben Minuten na twei !!  <<<Teuf mal eben:  13 € in 7 Minuten + 2 € Drinkgeld, also:

13 €  dör  7 Min.  mal 60 Min  sünd na Adam Riese  111,43 €  in de Stünn !!

So ein Lohn hett ja nich mol ein Mercedes – Warkstää !!

— Sien Froo hett letzte Week för 2 Stünn mit Dauerwelle so an de 70 €  betoohlt, dat wär ein Satz vun 35 € —

Tscha, hett he meent, billig is noch lang nich günstig !!

Ingo Pape
Dieser Beitrag wurde unter 14 - Plattdeutsche Geschichten veröffentlicht. Setze ein Lesezeichen auf den Permalink.