„De Sporkass ward verköfft“ >> 11/2017

Die Geschichte der Spar- und Darlehnskasse in Ramelsloh

De Sporkass ward verköfft !

 (Eegentlich is disse Utdruck nich korrekt, meent is je Spar-und Darlehnskasse, deshalb seggt de mersten Ramßler ok eenfach Kass).

 

Bild von Ingo Pape

 

 

 

125 Joar gift dat de Sporkass nu all in Ramßel. Tämlich öft is se nu ok all ümtrocken. Eerst 1963 is man an de Horner Straat trocken. Vörher wör se noch an de Harmsdörper Straat neben den Genossenschafts-schuppen.  (Bild links) Ja, man blots söben Jahr is se dor wäsen. Hermann Allerding is Rendant wäsen seit 1955. Ok siene Wahnung is in dat Huus wäsen. Hier is ok glieks Hans Neubecker introcken, de wör Gemüsehöker und käm von de Seev. De Kass is also jümmers gröter worn. För düsse Tied is de Sporkass noch bi Ilse Menck wäsen, in de Marxer Straat, wo hüt de Klempnerei Mencke is . Veel to lütt is de Stuuv dor wäsen, und öberfulln hebbt se de denn ok noch.

De eerste Kass wör 1892 bi Eggers in de Stuv. Denn harr de Heide-Pastor Bode ut Eesdörp mit sien Fründ in Ramßel, und dat wör keen Geringeren at Pastor Freund, affschnackt, dat Pastorenhus mit een Kontor to belegen. He kreeg ok een groden Tresor. De Sporkass wör nu ünner „karkliche Opsicht“! So is denn ok uns Pastor Rendant wäsen bet 1923.

De Malermeister Willi Poppe hätt denn de Sporkass übernommen. He weer een tämlich genauen und kritischen Direktor, aber he hett de Währungsreform öberstahn mit all sien Maleschen. 1953 is he denn storben und Hermann Rössler hett dat wiegermokt, müss denn aber wegen swore Krankheit obgäben.

Ut Solthusen käm denn ja ok de Bankminsch Hermann Allerding. An de Horner Straat güng dat bös bargup und 1970 hätt man sik de Volksbank Nordheide anschloten. 1991 is de Kass modernisiert worn mit veel Sicherheitsglass und een groden Tresen. Banktechnisch up dann neegsten Stand bröcht worn, hett dat dormals heeten.

Nu is dat sowiet, ok hier is de Laden to lütt und man treckt in de Ohlendörper Straat, direkt gegenöber vun “Knolles Markt“

„Nu starvt datt ole Ramßel bielütten ut !“

 

De Sporkass in Ohlendörp

1971 sünd ok de Ohlendörper mit een Volksbankfiliale utstatt worn. De Annahmestää wör erst bi dann Koopmann Wilhelm Schmidt, later denn bi Schliensbuur in´t Huus, vun 1929 bet 1971. De Oldbuer Peter Richers hett de Sporkass 1892 schon mitbegründ und de Söhn Wilhelm Richers hätt denn wiegermakt.

1971 is de junge Bankkoopmann Bernd Grote Leiter vun de neege Twiegstää worrn un Karl-Werner Vick is at Nahfolger 1973 öber twinnig Joar aktiv wäsen. (Karl-Werner hett dormals sienen Landhannel in Ohlendörp upgäben hat) Volker Krause hätt dornah öbernommen. 2010 is de Filiale in Ohlendorf uplöst worrn.

Text von Ingo Pape, ins Plattdeutsche übersetzt von Dieter Heick

 

Dieser Beitrag wurde unter 04 - Handel und Gewerbe veröffentlicht. Setze ein Lesezeichen auf den Permalink.