Inköpen för de Wiehachtstied
In de Mitt von de 50ger Johrn is dat wohl ween und passiert in Ramßel.
Bi dan Putzbütel is besünners vör de Festdaag bannich veel to doon. De Öllern weern von fröh bet laat in Laden. Wenn wi ut de School keumen, hätt meist up dan Kökendisch een Zettel lägen, wat wi erledigen und wat wi inköpen müssen. Middag hebbt wi meist bi de Nabers eten. – -„Kein Tiet, kein Tiet!“, hett datt heiten – –
Mien Broder weer jünger, de müss de Geschäften dichterbi aflopen. Also:
„Melk, Botter, Käs‘ geev dat bi Magda Grahl, Swattbrot und Bienenstich bi Adolf Kackmann, un Botterkoken und Fienbrot bi Otti und Elfriede Cordes. Beide Bäckers hebbt ok noch „Stuutenfroons“ von Huus to Huus schickt.
Zucker un Mehl hett Schneers-Martha verköfft. Eier för dan Wiehnachtskoken geev dat frisch bi Heicks – Minna. Appels för dan Bratoben hebbt Soitbeiers an Badediek hatt, dicht bi „Schröers-Martha“ de ok Sirup und Rosiens anbaan hett. All düsse Saaken geev dat aber ok bi Tante Paula Ostermann, an‘n Glockenturm. Denn sünd wi tohop na Schlachter Niemeyer gahn, vun wegen de Extrawust up de Hand. Gemüse und Obst geev dat bi Hans und Lotte Neubecker ünnen anne Seev.
Mitten in Dörp hebbt wi ok ein Fischladen hat, Erich Baumann hett jümmers Aale un Heringe hat. Wiehnachtspost hebbt wie bi Magda und Ernst Schwattkopp afgeben. Frische Wiehnachstbloomen hebt de Gärtners „Rosen-Willi“ und Meinks Werner anborn. De saubere Hemden hett Tante Frieda Buhr schön tohopleggt und inwickelt utgeben. —- Friedrich und Erika Knolle heff ik gornich uptellt; dat weern jümmers us Nabers, mal in de Enge-Straat bi Landahls, un denn in de Brede-Straat, dor güng dat sowieso jeden Dag mehrmols hin !!
— Kabbelt aber hebbt wi Kinner uns jümmers, wenn dat na Ohlendörp güng. De Melkladen von Emmi König, Bäcker Ackenhusen, „Klein Karstadt“ Schmidt und Schlachter Kröger sind dor de Anloopstellen ween, de wi as Geschäftslüüd upp dan Zeddel harrn.
—
Wenn wi domals „Knolles Markt“ hatt harrn, denn harrn wi blots ein Bollerwagen för eine Anloopstell bruukt !!
Ingo Pape