1998 Schützenverein 100 Jahre: Grußwort Otto Schneider
De Ramsler Schützenverein fiert Jubiläum.
Vor 100 Johr is he vun ehemalige Soldaten äs Kriegerverein gründ’t worden. Twee Weltkriege hett düsse Verein överstahn. 1945 aber dröff he sien Arbeit nich wedder upnähmen, de Besatzungsmacht harr dat verbaaden. Eerst gegen End’n vun de veertiger Johren hebbt sick bi uns in Ramsl, just so äs in anner Dörper in unsen Kreis ok, wedder L…üüd funnen, tohoopsett‘ un 1949 ünner de Bedingungen, de domals mööglich weern, den Verein neet grüünd’t, nu äs
„Schützenverein Ramelsloh e.V.“.
För de Schützen steiht dat Scheelen in’n Mittelpunkt, ebenso wichtig is dat för jüm, de Kameradschaft un de Geselligkeit to pläägen. De Schützenverein feuhrt ünnerscheedli-che Menschen tohoop, eenerlei, ob se geborne Ramsler oder Neebürgers sünd, un egaal, ut wat för’n Beruf se kaamt. Ok junge Menschen künnt al mit mitmaaken und lehrn, sick för een Upgaav intosetten ünner Anleiten un Betreuen.
För de Nichtschützen oder de Lüüd, de sick för dat Scheelen nich so interessieren doot, is dat Volks- un Schülzenfest de groote Veranstaltung, de in Ramsl stark beacht‘ un besöcht warrt. At de Zapfenstreich, de musikalische Zeremonie an’t Ehrenmal mit de Gedenkanspraak un mil de Fackeln, lockt ’n Barg Lüüd an, ok vun anner Dörper.
Dat Schülzenfest up’n Dörpsplatz mit Teil un Booden un Korussells un mil de Umzüüg dörch dat Dörp is för jedereen dat Fest in’t Johr, wo sick Lüüd drääpen, fiern un ver-gneugen doot.. Dorbi is dat Kinnerschülzenfest besonners to beneumen. De Festutschuß suhl hier een wichtige Upgaav för de lullen Kinner un för de Deerns un Jungs, de sick al dat ganze Johr dorup freien doot. För de Ortschaft Ramelsloh graleer ick den Schützenverein to sien groot Jubiläum. Ick bedank mi dorför, dat sick in düsse lange Tiet jümmer wedder Lüüd mit Verantwortungsgefeuhl funnen hebbt, de mit un in jüm ehrn Verein een Stück Dörpsgemeinschaft wiest un vörläävt. Gemeinsinn un een groot Opfer an Freetiet höört jümmer wedder neet dorto, wenn een Verein upboot, leit’t un tohoopholen warrn schall, wenn Tradition un Fortschritt ünner een‘ Hoot bröcht warrn mööt, un dat in een Welt, de sick ümmer rascher wannein deit.
So hett de Schützen verein 1990 dat nee’e Vereinshuus mit den ünnereerdschen Scheet-stand boot. Tohoop mit dat Füerwehrhuus un den Dörpsplatz bild’t dat Boowark een‘ wichtigen Mittelpunkt in uns‘ Dörp. De Gemeen Seevetal un de Ortsrat Ramelsloh hebbt dörch jüm ehr Beschlüsse un Toschüsse ehren Andeel doran, just so äs bi dat Kin-nerschützenfest.
För de Veranstaltungen in dat Jubiläumsjohr wünsch ick gooden Beseuck un vääl Freid mit all de Mitglieders un Gast un löterhen alltiets een angenehm Trüüchbesinnen up dütt Johr… un för dat nööchste Johrhunnert noch manch anner Jubiläumsfest in Freedenstieden.
Otto Schneider (Ortsbürgermeister)