Plattd. Erinnerungen a.d. Badedieck

Plattd. Erinnerungen a.d. Kinnertied

De Badedieck

De Badedieck wär in Ramßel immer watt Besonners för de Kinner. In Sommer ok för de Lüüt ut de Landwirtschaft. Abend wör sick jümmers woschen an de lüdde  Muu‘er, mit Handauk und Seebnapp kääm de Kierls und hebbt dann Stoff vun Felln, affwuschen. Datt wär ein richtiget Ritual för de Lüüt, se hebbt klönt und lacht, denn güng datt mit’n Rad wär na Huus. taun Abendbrot.

In Fröhjohr hebbt de groden Jungs, ick glöv datt wärn de von Badedieck, Ich dach so an Sötbeiers Rainer und Schlachters Helmut, mal en Floß baut.   De Badetied wär noch wiet weg.  Ole Benzinkanister und  Breeder hebbt se tohobbun’n mit Draht und Sacksband, und denn güng datt los, för 2 Penn dröff man mit na de andere Siet schippern. Mit ein lange Stang hebbt de Jungs, wie in Venedig, datt Floß bewegt na de anner Siet röber.  —           Ein Dag, na de School, lopen wi gliecks  na’n Dieck hin, dor schüll wat los wän, und stellt jau vör, up datt Floß , datt mitten in Dieck fastmokt wär, sünd mindest mal 10 – 12 Gordenporden upstapelt wän. — Einmal wären dor denn ok Schuwkorren fastbunnen. Wie hebbt uns ein höcht, doch de Besitzer hebbt sick strähn um jümmern Besitz.

Bild 1932

Wenn de Badedieck denn aber noch taufrorn wör; denn wör Schlittschuh lopen ansächt.  De Jungs hebbt mit sülbstgeschnitzte Hockys speelt, de andere Hälfte von dat Ice, dor hebbt de Deerns ihr Runn dreiht, viellicht ok mal Kriegen speelt. De Lütten hebbt ehr Schlegens mitbröcht, dormit müss aber eistmal datt Speelfeld för de Hockyspeelers glattmokt warn, denn eist dröffen sei speelen !

Wenn Tauwehr in Fröhjohr wär, hebbt de datt sogor mit dicke Iceschollen uutsorg’t, de wärn öft öber 20 cm dick. In de Mitt hebbt se ein Lock bohrt tun paddeln. Denn güng dat gegeneianner, bit de Schollen breken dän. Dat gev denn ok öfters mal ein natten Mors, un tohuus denn ok noch ein an de Ohrn !

Ingo Pape, Jan. 2020

 

Dieser Beitrag wurde unter 14 - Plattdeutsche Geschichten veröffentlicht. Setze ein Lesezeichen auf den Permalink.